Dito dinig ni Oble ang galaw at sigla, hiyaw at sigaw, at tibok at hinga ng unibersidad na bukas para sa lahat. Nariyan ang mga nais mag-ehersisyo, mga estudyanteng takot magpalitrato, mga alagang aso na tila nagsisilbi ring tagapangalaga ni Oble, mga naglalako, mga pamilyang hanap ay pahinga, mga may pinaglalaban at panawagan, at mga miyembro ng komunidad at mga bisita na bahagi ng mga selebrasyon ng pagtatapos.